排名有分先後 - Channel + Fav. video
呢個channel係我超鐘意既，創作人好fun成日講笑，搵既冷知識都係好引人入勝，又會好in-depth咁講解。
呢條片同一個失明人士(Molly Burke) 一齊拍，Molly以前用passive echolocation去感受周邊既環境。今次創作人就請左一個active echolocation既高手教佢呢個技巧，即係自己發出聲音，再聆聽回音，判斷周邊環境。高手甚至可以踩單車！
佢地唔多片，但每條都有極高質素。睇得出佢地花好多時間睇research。無論係旁白，資料搜集到動畫設計都係佢地團隊一手一腳包辦！兩個字： 高質！
其實想擺佢係第一，但佢出片既速度較慢，就排左佢係第二位。
你是誰？如果你與另一個人逐part逐part交換身體部分，交換到那個程度，你才不是你呢...? 你的意識是你，還是你的身體是你？從一個科學角度又會點睇呢？
呢個channel應該係我睇左最耐，佢既特色係更新好快，但質素都keep到唔錯。最欣賞係佢地有時會講埋某份研究有咩limitation，話埋俾你聽佢地講既野可信性有幾高。
話說有個人以前每一條片都會留言問呢條問題，但scishow過左好耐先出條片答佢。
呢段片出左之後。。。佢就無再留言過。。。
呢個channel都不時製作有趣既冷知識。不過呢一兩年出片速度少左。佢既特色係講野幾好笑同埋畫風好得意。
有雞定有蛋先，呢段片真係俾到答案你架，想知就去睇啦。
Comentários