Bitcoin係咩？
Bitcoin係一種虛擬貨幣，即係你唔會見到實體既一個bitcoin幣，佢只係一堆程式碼
現時的金融問題
我地而家用緊既錢係有人規管，甚至操控。
美國政府不斷印銀紙，有1/5既美金都係上年印左出黎
就係因為咁，社會大眾有人不滿，希望創造一個唔可以俾人操縱既金融體系。
Bitcoin有咩特別？ - Defi
Defi 呢個concept其實係指Decentralized Finance，即係去中心化金融。
Bitcoin其中一個特點就係Defi，佢既買賣唔經任何銀行，亦都可以24小時進行。
相反，人人都係監察組織，每一個交易都會永久記低係一個地方，人人都可以監察。呢個就係區塊鏈技術(Blockchain)
Bitcoin另一個特點？ - 有限供應 (最多只有2100萬粒)
我諗大家都成日聽到掘礦，或者掘Bitcoin。究竟係指咩呢？
我用簡單既一個比喻。試幻想每解一個扭計骰，就能獲得一粒bitcoin。
成功解完一個，難度會增加
解題係靠電腦，因為每解一個就會愈難，隨住愈黎愈多bitcoin掘出黎，掘一個bitcoin既時間就會愈黎愈耐，甚至個扭計骰難到電腦都再無法解到。呢個時候，就係最後一粒bitcoin面世
Bitcoin是數碼黃金？
黃金之所以保值，係因為佢供應有限，而人有需求。
岩岩提到，Bitcoin供應同樣有限，亦都無人可以操縱佢，無人可以突然印佢出黎。
Bitcoin是一個騙局？
以前好多人都覺得bitcoin係一個騙局，其中一個原因係，Bitcoin對於政府黎講係一樣反政府既野，源於政府唔可以操縱佢。明顯，政府對佢既態度係負面。
2020年係一個加密貨幣特別既時代。社會見住政府不斷印銀紙，就愈黎愈唔相信現行既金融體系。開始相信，甚至想改革成個體系。而bitcoin就係其中一個方法。
更多投資者及大型機構加入
HK01其中一個報道指，普華永道發佈的一份報告顯示，2020年，越來越多的機構投資者進入加密貨幣市場，包括摩根大通、渣打銀行（Standard Chartered）、花旗集團（Citi Group）、德意志銀行（Deutsche Bank）、星展銀行（DBS）等，許多機構甚至開始定期承保這一資產類別。
除左銀行，蘋果公司，Tesla，PayPal等都開始認可加密貨幣，甚至有些公司開始接受bitcoin支付
Bitcoin的價格
隨住愈黎愈多機構投資者加入，人們對bitcoin既信任都增加左，多左人入場，即係多左需求，bitcoin既價格都因為咁大升左好多。
講到咁好，即係衝入場先？
老土啲講句，投資涉及風險，我比既任何資料都唔係咩建議。Bitcoin大升大跌係常事，大家真係入場都要注意風險。
風險
政府管制
被其它加密貨幣取代
社會不再相信比特幣
後記
同大家一樣，我以前都覺得bitcoin係一個騙局，成日都見到好多佢既負面新聞。但隨住我開始接觸同了解，我慢慢明白點解咁多人信佢，亦開始左投資少少落去加密貨幣度。
打呢個post唔係要大家買bitcoin，始終投資都係自己既選擇，我係希望大家唔好做井底之蛙，嘗試帶大家認識一下平時唔會接觸到既領域，唔好等第時加密貨幣真係普及左先去了解佢係咩黎。
Comments